Oath-taking of May 2011 CPA Board Passers

Para sa akin, hindi kumpleto ang pagkatao ng isang Accountancy graduate kung hindi CPA. At kulang sa rekado ang isang CPA kung hindi nakapag-Oath Taking. Dati isang pangarap lang ang pagiging CPA, at nagpapasalamat ako ng sobra-sobra sa tulong ng Poong Maykapal dahil ang isang pangarap ay nabigyan ng katuparan.

Heto ako, tapos ng manumpa . Hulyo 8, 2011,naka-barong for the first time in my whole life,habang nakataas ang kanang kamay, kasama ang ilan sa 2130 new CPA’s, sa harap ng mga makapangyarihang tao sa tanggapan ng PRC, BOA at PICPA, ako ay taimtim na namunumpa na itataguyod ko at ipagtatanggol ang Saligang Batas ng Pilipinas;na ako’y tunay na mananalig at tatalima rito; na susundin ko ang mga batas, mga utos na legal, at mga atas na ipinahayag ng mga sadyang itinakdang may-kapangyarihan ng Republika ng Pilipinas, at kusa kong babalikatin ang pananagutang ito, nang walang ano mang pasubali o hangaring umiwas.

Taimtim pa rin akong nanunumpa na sa lahat ng panahon at pook na kinalalagyan ay mahigpit akong manghahawakan sa mga etikal at tuntuning propesyonal ng mga Certified Public Accountants sa Pilipinas, at matapat kong gagampanan nang buong husay sa abot ng aking makakaya ang mga tungkulin at pananagutang iniatang sa isang itinakdang Certified Public Accountant.


It’s official.CPA na talaga ako. Masaya.Nakakaiyak din kung babalikan ko ang mga pangyayari ng nagkaraan. Hindi rin naman biro ang mga pinagdaan ko makuha lang ang titulong ito, habambuhay ko itong iingatan at proud ako dito.

Heto ang Programme:


Processional
Invocation                                      Hon. Jose S. Tayag Jr.
National Anthem
Opening Remarks                           Hon. Rufo R. Mendoza
Message from the Commission        Hon. Teresita R.Mananzala
Introduction of Guest Speaker        Hon. Ma. Elenita B Cabrera
Inspirational Message                     Atty. Hermogenes P. Pobre, President of Manila Bulletin
Musical Intermission
Presentation of Awards to the CPA Board Topnotchers
Oath-taking and Induction
             As CPA                             Hon. Eugene T. Mateo
             As Members of PICPA        Ms. Josefina G. Chua
Response                                      Mr. Marwin Baldevia, CPA, May 2011 1st Placer
Closing Remarks                           Hon. Luis A Canete

Base sa criteria: With 50 or more examinees and with at least 80% passing percentage, walang qualified as top performing schools for May 2011 CPA Board exams. 17 CPA’s naman ang pasok sa Top 10. Congrats sa inyo! Minsan pinangarap ko din na makapasok sa Top 10. Alam ko namang hindi ko kaya. Haha. Kaya nanatiling pangarap na lang ‘yon. Masarap ang feeling ng pumasa,para kang nasa Cloud 9, paano pa kaya kapag napabilang sa Top 10,langit na ‘yon.

Ang nakakuha ng 1st place ay si Marwin Agamon Baldevia, CPA from Saint Paul’s Business School, Palo, Leyte, a working scholar who graduated Summa Cum Laude. Ang galing-galing! Saludo ako sa’yo, parekoy! According to his speech, nag-review siya sa RESA (Review School of Accountancy), 6th place sa First pre-board, 3rd place sa Final pre-board, 8th place sa PRTC open pre-board and look, 1st Place sa Actual CPA Board Exam with 92.14%. That’s a wow! For sure,pinag-aagawan na siya ngayon ng mga auditing firms at private sectors. God Bless sa career mo!

Ako naman, nag-aantay na lang ng result for a promotion sa current company na pinagtatrabahuan ko. The job interview went well naman. Matagal ko na ‘tong hinintay. Sana, palarin ako.

Sana.

Oath-Taking of New CPA's. Mamaya na!

Isang beses lang mangyayari sa buhay ko 'to!

Kaya nararapat lang na sisipot ako sa Oathtaking ng mga bagong CPA mamaya.

Here are the details:

Who:  New CPA's

Where: Plenary Hall, PICC

            Roxas Blvd, Pasay City

When: July 8, 2011, Friday 1PM

Attire: Barong for Men

             Formal for Women

Mga Batang Tulog sa PNR!

Ssssshhh....

Pagod na pagod ang mga bata kaya nakatulog sa tren. At piniktyuran ko!

A CPA Board Exam Inspirational Story

I  found this site,  IAMACCOUNTANT sharing  A CPA Board Exam Inspirational Story , a July 3, 2011 entry, which happens to be my very own CPA Board Exam Story.

Thank you Cendrick for sharing my story to your readers. Hopefully working-reviewees out there will be inspired upon reading my story!

Hihirit ako!Gusto kong gumawa ng Part 2!
Soon!

Mensahe Para Sa CPA Board Examinees atbp.

Marami ang nangangarap na maging CPA balang araw. Aminin na nating mahirap pumasa sa CPA Board Exam. Sa undergrad pa lang, aminin na nating halos isumpa ng ilan sa ating mga ka-tropa sa Accounting world ang accounting subjects. Pampadugo ng utak. Pahirapan. Kaya maswerte ang pinalad na pumasa sa CPA Board exam.

Bilang bagong CPA ng Republika ng Pilipinas, ako ay may mahiwagang mensahe sa lahat ng Accountancy students at graduates, CPA, malapit ng maging CPA, walang balak maging CPA saan mang sulok ng mundo.


Para sa mga CPA na, proud ako sa’yo dahil nalampasan mo ang mga pagsubok at nakamit mo ang tagumpay! Anuman ang kwento sa likod ng iyong pagkapasa, saludo ako sa'yo! Congratulations! 

At eto nga pala ang aking CPA Board Exam Story na isinulat ko noong nagrerebyu pa ako. Sana ma-inspire ko kayo. Gagawa pa ako ng Part 2 para sa kwento ng study habits ko at mga ginawa ko hanggang pumasa ako.  Sana makatulong ako sa lahat ng mga working-reviewees sa buong kapuluan.Abangan!


Para sa mga nag-aaral pa lamang ng Accountancy:
>Pagbutihin ang iyong pag-aaral. Huwag magbulakbol.
>Huwag kalimutan ang mga lessons sa Accounting.
>Kung may assignment, ayos lang naman mangopya basta naiintindihan mo ang iyong kinokopya. Kung hindi mo naiintindihan, magtanong na lang sa source ng assignment.
>Ugaliing magbasa na rin ng mga reviewers para hindi na mahirapan pagdating ng review.


Para sa mga full-time reviewees:
>Ugaliing dapat nasundan mo lahat ng lessons ng reviewer sa bawat subjects.Walong subjects ay hindi biro.
>Huwag mahiyang magtanong sa reviewer kung may hindi ka naintindihan sa dini-discuss. Itanong mo na lang after the class o punta ka na lang sa opis ng reviewer mo
 >Mas maiging maupo sa pinakaharap kesa sa likod. Para hindi ka makatulog.
>Huwag matulog sa review class.Nakakahiya lalo na kapag nahuli ka ng mga katabing tumutulo ang iyong laway.
>Take a nap during breaks kapag inaantok ka na.
>Kapag may binigay na hand-outs, siguraduhing sinubukan mong sagutan bago i-discuss ng reviewer. For sure, wala ka namang ibang ginagawa maghapon kundi mag-aral lang
>Iwasan magkaroon ng backlogs, mahirap maghabol.
>Mag-aral pag-uwi sa bahay o sa boarding house.
>Bawas-bawasan ang pakikipagchismisan sa mga kaklase
>Magpaturo sa matalinong kakilala, kaklase o kaibigan sa mga topics na mahina ka. Kung wala kang mahingan ng tulong, gamitin mo ang iyong charm para magkaroon ng kaibigan sa review class. Kaibiganin mo ang iyong katabi.
>Kumain sa tamang oras. Bawal lipasan ng gutom.
>Mag-practice mag-solve
>Kung para sa’yo di pa sapat ang hand-outs,mag-aral ng ibang review materials
>Kung wala kang pambili ng mga books, manghiram ka na lang sa kaklase at kakilala
>Huwag umabsent lalo na sa Business Law at Taxation. Maraming uma-absent sa mga subjects na ‘to.
>Huwag mag-focus sa mga topics na alam o na. Aralin mong maigi ang hindi mo pa alam.
>Huwag ma-late sa review class. Kung late ka dahil napuyat sa kakaaral, mangopya ka na lang ng notes o sagot sa hand-outs sa mga katabi mo.
>Huwag magdamot.Magpakopya ka ng notes!
>Huwag laiitin ang reviewer o katabi. Bad yan!
>Huwag kang mang-agaw ng upuan ng may upuan!
>Huwag maingay sa klase. Naiinis ang mga katabi mo.
>Magdala ng jacket. Malamig sa loob ng room
>Iwasan muna ang pagpi-facebook
>Huwag din isisi sa mga college prof mo o sa school kung saan ka grumadwet kung bakit mahina ka sa ibang accounting subjects. Focus ka na lang kung saan ka mahina
>Huwag kang KJ. Para hindi ka antukin.Tumawa ka sa mga jokes ng mga reviewers mo, nakakatawa talaga!
>Higit sa lahat, MAGDASAL araw-araw.


Para sa mga working-reviewees:
>Mahirap ang buhay na tatahakin mo. Hindi biro pagsabayin ang pagre-review at pagtatrabaho. Isa sa pinaka-kailangan mo ay TIME Management.
>Dalhin mo ang ibang hand-outs o kahit isang book saan ka man magpunta. ‘Yong mga theory topics lang like Auditing Theory, Theory of Accounts o di kaya Business Law. Habang bumibyahe, pede kang magbasa kahit isang page lang.O kahit habang breaktime. Malaking tulong na rin ‘yon.
>Iwasan munang gumala kundi rin naman importante. Aalahanin mo gahul ka na sa oras sa simula pa lang.
>Hindi maiiwasan na hindi magkaroon ka ng backlogs,prioritize mo na lang ang mga aaralin. Uulitin ko, aralin mo na lang ang mga topics na hindi mo pa alam o saan mahina ka.
>Pustahan tayong malinis ang iyong hand-outs dahil wala pang sagot at hindi mo pa naaaral, huwag kang mahiyang mangopya sa katabi mo.
>Pag-uwi mo sa bahay galing opisina, tiyak pagod ka na at marahil hindi ka na magkapag-aral nyan. , Pwedeng pahinga ka muna saglit, tapos aral ka kahit isa o dalawang oras bago matulog. Pero kung hindi na talaga kaya, huwag ng pilitin dahil hindi din maganda ‘yon, matulog ka na lang.
>Pwedeng gumising ka ng maaga sa madaling araw para mag-aral. Masarap mag-aral kapag madaling araw. Subukan mo. Pero kung hindi effective sa’yo, mag-aral ka sa oras na gustong-gusto mo
>Mas maganda kung meron kang planner, para ilista mo dun ang mga topics na aaralin mo. May posibilidad na hindi mo masusunod pero at least may guide ka.
>Hindi pwedeng hindi mo alam ang mga bagong topics o coverage sa board exam gaya ng PFRS for SME’s. Lumalabas ‘yon sa board exam.
>Huwag pahuhuli sa balita, magtanong ka sa dating mga nag-exam kung ano ang usual na lumalabas sa board exam.Kung wala kang kakilala,marami naman forum sa internet like pinoyexchange.com at pinoycpa.com na makapagbibigay sa’yo ng impormasyon
>Huwag mawalan ng pag-asa. Maraming pumapasa na working-reviewee kagaya ko. Tiwala lang sa sarili ang kailangan
>Kung hindi mo pa kaya mag-exam sa isang review, review ka ulit for the 2nd time bago mag-exam
>Huwag sumuko. Maraming kung kelan malapit na ang board exam, ay umaatras dahil natatakot bumagsak. Dahil sinimulan mo, tatapusin mo. Kung bumagsak man, eh di exam ulit.
>Kung pwede, mag-leave one month bago ang board exam.
>Huwag mag-resign para lang sa board exam kung kaya mo namang pagsabayin. Mas nakaka-proud kong pumasa ka habang nag-wo-work ka. Aani ka pa ng parangal. At least kung bumagsak ka, may babalikan ka pang work. Mas masaklap kung nag-resign ka nga, eh bumagsak ka rin naman. Make sense!
>Magdasal at Magsimba!


Sa mga bumagsak sa unang pagkakataon, huwag kang mawalan ng pag-asa. Iiyak at iinom mo na lang ‘yan. Tapos,mag-exam ka ulit!


Sa mga bumagsak sa pangalawang pagkakataon, mag-enrol ka sa Refresher course doon sa NRC. Huwag kang mawalan ng pag-asa, hindi pa huli ang lahat!


Sa mga bumagsak sa pangatlo o higit pang pagkakataon, huwag mong isipin na End of the world na. Ano ka ba? Exam lang ‘yan. Take ka na lang ulit. Malay mo sa susunod na pagkakataon ay papasa ka na.Huwag kang titigil hangga’t hindi mo nakukuha ang gusto mong makamit!


Sa mga nakapag-review pero natatakot mag-exam, labanan mo ang iyong takot kapatid! Exam lang ‘yan. Sayang ang oras,pagod at pera mo kung hindi ka mag-eexam. Kung takot kang bumagsak, isipin mong part ng risk ang bumagsak. Magdasal ka at humingi ng guidance kay Lord para magabayan tungo sa tamang landas na tatahakin.

Sa mga BSA graduates na ayaw mag-review, subukan mong mag-review kaibigan. Kung wala kang pera, pwedeng magtrabaho ka muna para makapag-ipon tapos, review ka!

Sa mga conditioned candidates, malapit ka na tungo sa tagumpay. Ilang hakbang na lang. Kaya pag-aralang mabuti ang mga natitirang subjects. Konti na lang 'yan!




God Bless October 2011 CPA Board Examinees!!!

Love Tips:Crazy Little Thing Called Love

 

P'Nam at P'Shone



Narito ang ilan sa mga Love Tips na napulot ko sa nakakakilig na kwentong pag-iibigan nina P'Nam at P'Shone sa Crazy Little Thing Called Love .

Hindi ito kompleto. Anyone may wish to add kung ano ang kulang.

* Ang paniniwala ng mga Greek kung paano mahuhulog sa'yo ang puso ng mahal mo. Pumunta ka sa lugar kung saan marami kang makikitang bituin. Tapos pagdikitin mo ang mga bituin gamit ang iyong daliri at isulat ang pangalan ng mahal mo.

* Mula sa Maya ng mga sinaunang nilalang. Kelangan i-focus ang pag-iisip. Tapos tignan ang taong mahal mo. Subukan mo siyang i-hypnotize para gawin niya kahit anong gusto mong ipagawa sa kanya .Kapag ginawa niya ‘yon, ibig sabihin SOULMATE  kayo.

* Ang paraan ng mga taga Scotland, kapag may mahal ka, bigyan mo ng regalo na hindi nya nalalaman nang sa ganu'n alam n'yang may nagmamahal sa kanya. Siguradong mapapansin ka niya dahil sa ginawa mo.

* Hayaan mong magkaroon ka ng inspirasyon dahil sa pag-ibig at gamitin mo ‘yon para maging matalino ka, maganda at magaling sa lahat ng bagay para mapansin ka ng mahal mong lalaki.

* Gawin mo ang iyong makakaya . Kung gagawin mo para sa pag-ibig, gagawin mo ng walang labis at walang kulang. Para yong taong mahal mo mahahanap ka.

Emergency Room



Kamay ko!


Hunyo 29, 2011. Wala akong magawa kundi ang tiisin muna ang pananakit  ng ibabang bahagi ng tiyan habang nakaupo sa wheelchair na ‘yon ng ospital.Pangalan.Tirahan.Edad.Trabaho.Kompanyang pinapasukan.Ito ay ilan lamang sa mga impormasyon na nais malaman ng nasa Admission Department bago ako dinala sa Emergency Department.



Sa kauna-unahang pagkakataon, nakasakay ako ng wheelchair habang tulak-tulak ng naka-unipormeng nurse. Nag-antay muna ako ng napakatagal na minuto bago inasikaso ng nurse. Naiintindihan ko rin naman na may marami pang ibang pasyente na mas mauna sa akin at mas malala pa ang karamdaman. Wala naman akong choice, so ayos na lang na mag-antay habang namimilipit sa sakit. Naalala ko tuloy ang teleseryeng sinubaybayan ko dati na binibidahan nina Gretchen Barreto at Bea Alonzo,ang MAGKARIBAL. Ang linyang ito ang tumatak sa aking isipan: "Ipikit mo lang para hindi mo maramdaman ang sakit" . Ipinikit ko na lamang ang ang aking mga mata habang naghihintay.

 Tinawag ang pangalan ko ng doktor.Nakahinga ako ng maluwag kahit papano dahil simula na ata ng pag-aasikaso nila sa akin. Hirap man maglakad ay tinungo ko ang klinik ng doktor.Question and Answer portion lang ang nangyari. Inilahad ko sa doktor ang mga pangyayari sa buhay-buhay bago ko isinugod ang sarili sa ospital. Oo, sinugod ko ang sarili sa ospital ng buong tapang alas-kwatro ng madaling araw. May check-up portion din sa aking katawan.


“Parang kelangang operahan ‘yan,” wika ng doktor na ikinagulat, ikinagimbal, ikinatakot at ikinakaba ko. Ni minsan ay hindi ko pinangarap ang eksenang ito.


“Dok,pwede po ba akong mamatay sa operasyon,?” tanong ko.


“Mas gugustuhin ko pang mamatay kesa dala-dala mong nabubulok’yan sa loob ng katawan”. Ang kaninang gimbal, takot, gulat at kaba ay mas lalong nadagdagan sa tinuran ng doktor. Kung anu-ano na ang pumasok sa aking isipan. Iniisip ko na sana panaginip lang ang lahat.


Kelangan muna daw akong i-confine para sa mga tests na gagawin. Nagdarasal pa rin ako na sana, na sana lang ay hindi aabot sa operasyon ang lahat.


Sa loob ng emergency room, pinahiga sa kama, gumawa ang nurse ng daanan ng gamot sa kanang kamay ko. Masakit ang TUSOK ng KARAYOM. Kumikirot. Ilang saglit lang ay naka-dextrose na ako. Binigyan ako ng pain reliever through injection at kung anek anek pang gamot na sinabi naman ng nurse ang pangalan subalit di na ako nag-effort na tandaan pa.


Pitong oras din ako sa emergency room. Marami ang tumingin at nagtanong sa akin.Paulit-ulit. Iba’t ibang doktor . Minsan umeeksena pa ng tanong ang nurse. Parang sirang plaka ang mga tanong. Para akong star witness sa isang criminal case ang takbo ng eksena. May nagpakilala pang surgeon na marahil siyang oopera sa akin kung minalas-malas.


Naranasan ko rin ang nakahiga sa kama habang tinulak-tulak ng nurse ang kama habang maraming tao sa dinaraanan namin .Tinakasan atah ako ng lahat ng hiya sa katawan sa mga oras na ‘yon. Siguro dahil buhay ko ang nakasalalay sa mga panahong iyon. Dadalhin daw ako sa Ultrasound section. Isinakay ako sa elevator. Kasya pala sa isang elevator ang kama.


Akala ko masakit masyado ang ginagawa sa Ultrasound, hindi naman pala. Yon lang, kapag dinadaanan ng isang object na pang ultrasound na nilalagyan ng KY Jelly yong infected areas ay masakit talaga. Panay naman ang sabi ng sorry ng doktor na gumawa ng test sa tuwing napapa-aray ako.Haha.


Bandang alas dose na ako dinala sa room ko. Room 623. Gutom na gutom na ako. Subalit bawal muna daw ako kumain at uminom ng kung anu-ano. Okay fine tiniis ko na lang ang gutom at uhaw.NOFOMOTEM atah yong narinig kong sabi ng nurse kung hindi ako nagkakamali, meaning No Food for Mouth Temporarily. Subalit ilang oras din ang matuling lumipas ay pinakain na rin ako.


TV Marathon lang ang ginawa ko sa loob ng room. Nakikipagtext gamit ang kaliwang-kamay. Masakit ang kanang kamay ko dahil may nakakabit pang dextrose. Minsan dumalaw-dalaw ang nurse, chine-check ang temperature, blood pressure, nagtatanong kung ilang beses umihi at dumumi. May drama pa ang mga nurses na kapag nagbibigay ng medication sa pasyente ay nakasuot ng Yellow na damit at may nakasulat na DON’T DISTURB.ON MEDICATION. Tinanong ko naman ang nurse bakit ganoon suot nila, para daw iwas pagkakamali sa pagbibigay ng gamot.Si Karla, Anna, Mitch, Mia, Aaron, Vincent, Shiela, at Lovely ang naging nurses ko sa loob ng tatlong araw na pamamalagi sa ospital na ‘yon.Dami nila, papalit-palit.


Dalawang espesyalistang doktor naman ang pabalik-balik at nangangamusta sa kalagayan ko. ‘Yong doktor sa emergency ay di ko na nakita pa. Hulyo 1 ay okay na ako kaya sabi ng doktor ay pwede na akong pauwiin.


“Dok,hindi po ba ako ooperahan? Sabi kasi nu’ng doktor sa emergency, eh” . Ako ay nagtanong.


“Walanghiya ka” At napamura ang doktor sa tanong ko. ”Hindi. Gusto mo ooperahan ka.? Infection lang ‘yan at kaya lang ng anti-biotic yan”


At ‘yon nakahinga ako ng maluwag.Maluwag na maluwag. Hindi pa pala ako mamamatay. Hindi pa. Marahil ay dahil isa akong masamang damo. Hindi pa ako kukunin ni Lord kasi siguro hindi pa tapos ang misyon ko sa mundo. Kakapasa ko pa lang ng CPA Board exam at hindi ko pa na-eenjoy ito. Hindi ko pa nga nakukuha lisensya ko. Hehe.


At dahil pwede na akong umuwi, inasikaso ko na ang hospital bill ko. Wala naman akong kasama sa ospital kaya ako na ang nagproseso ng lahat. At kaya ko pala.


Nanlaki naman ang mata ko sa babayarin.21k. Eh, tatlong araw lang naman ako don. Pero ayos lang at sagot naman ‘yon lahat ng Intellicare at Philhealth.


AT nakauwi na rin ako!


Nga pala,kung ano ang tunay kong sakit, sekreto na lang. Ako at ang doktor lang ang tangeng nakakaalam. At magaling na rin naman ako. Nga pala ulet, itago na lang natin ang ospital sa pangalang Makati Medical.


Mensahe sa lahat: Alagaan ang sarili para hindi magkasakit.

CPA na ako. Yehey!

Konting patalastas at konting pagmamayabang lang po.

Salamat at nagbunga din ang aking paghihirap....

It's official, 
CERTIFIED PUBLIC ACCOUNTANT (CPA) 
na po ako.

Kakabakaba

Kung may taong kinakaahan sa mga oras na ito, AKO yon. Apat na araw ang CPA Board Exam (May 15,16,23,24 2011) at kahapon lamang ito natapos. At ngayon ay ilalabas na ng PRC ang result, NGAYON mismo, sa araw na ito, sa mga oras na ito. Kaya naman, kanina pa ako naka-online, nag-aabang,na sana matagpuan ko ang aking pangalan sa LIST of PASSERS.

Let's Pray!

Landscaping sa Ilog Pasig

Hinati ang grupo sa tatlo. Clean-Up, Community Interaction at Landscaping. Hindi ko alam ano ang gagawin sa Landscaping, pero 'yon ang pinili ko. Sa Clean-Up group, isang daang porsyentong maglilinis talaga sila sa may bandang ilog. Sa Community Interaction naman, mga bata sa Paco de Estero ang aasikasuhin, malamang may story-telling at food feeding na mangyayari.

 Landscaping Group. Likod ng Paco Market ang Paco de Estero. Oo nga, sadyang maitim na talaga ang tubig sa ilog. Subalit wala naman akong napansing basurang lumulutang. Marahil ay nalinis na ng mga River Warriors. Ang River Warriors nga pala ay isang grupong tumutulong sa paglilinis ng Ilog Pasig simula noong inilunsad ang programang Kapit Bisig Para sa Ilog Pasig. Dati daw, ayon sa kwento, maraming informal settlers sa bahaging 'yon ng Paco de Estero. Pero ngayon, wala na ang mga ito dahil nai-relocate na daw. Cool.

Farmville lang pala ang gagawin ng Landscaping Group. Tataniman lang namin ng halaman ang gilid ng estero. Syempre, bago ang lahat, may demonstration muna kong paano ang tamang pagtatanim. Una, syempre, bubutasan mo ang lupa, 'yong tamang lalim lang para magkasya ang itatanim na halaman. Pagkatapos, tanggalin sa supot ang halaman ng dahan-dahan para hindi masira ang ugat. Tapos,ilibing na ang halaman sa lupa. Lalagyan ng fertilizer. 'Yon lang. Paulet-ulet. Siyempre pa, hindi mawawala ang pictorials sa kalagitnaan ng pagtatanim.

'Yon nagtanim lang ako nang nagtanim, umabot kami ng mga dalawang oras sa site.